Peddi Release Date ; గ్లోబల్ స్టార్ రామ్ చరణ్ (Ram Charan) అభిమానులకు ఒక ముఖ్యమైన అప్డేట్. భారీ అంచనాల మధ్య తెరకెక్కుతున్న పాన్-ఇండియా మూవీ ‘పెద్ది’ (Peddi) విడుదల తేదీ వాయిదా పడింది. ‘ఉప్పెన’ ఫేమ్ డైరెక్టర్ బుచ్చిబాబు సానా (Buchi Babu Sana) దర్శకత్వంలో వస్తున్న ఈ పవర్ఫుల్ స్పోర్ట్స్ యాక్షన్ డ్రామాపై దేశవ్యాప్తంగా అంచనాలు తారాస్థాయిలో ఉన్నాయి. ముందుగా అనుకున్న తేదీకి కాకుండా సినిమాను జూన్ నెలకు వాయిదా వేస్తున్నట్లు నిర్మాణ సంస్థ ‘వృద్ధి సినిమాస్’ (Vriddhi Cinemas) సోషల్ మీడియా వేదికగా అధికారికంగా ప్రకటించింది.
ప్రెస్ నోట్ లో ఏముందంటే? (కారణం ఇదే)
Peddi Release Date ; చిత్ర బృందం “టీమ్ పెద్ది” విడుదల చేసిన అధికారిక లేఖ ప్రకారం, సినిమాకి సంబంధించిన టాకీ పార్ట్ మొత్తం పూర్తయింది. కేవలం ఒక్క పాట చిత్రీకరణ మాత్రమే మిగిలి ఉంది. ఇప్పటికే ఎడిటింగ్ రూమ్లో సినిమా రఫ్ కట్ చూసుకున్న మేకర్స్, ఔట్పుట్ పట్ల చాలా సంతోషంగా ఉన్నారని తెలిపారు. కంటెంట్ చాలా అద్భుతంగా వచ్చిందని, దాన్ని మరింత పర్ఫెక్ట్గా ప్రేక్షకులకు అందించాలనే ఉద్దేశ్యంతోనే పోస్ట్-ప్రొడక్షన్ కార్యక్రమాలకు మరింత సమయం కేటాయించాలని నిర్ణయించుకున్నారు.
అధికారిక ప్రకటనలోని ముఖ్యాంశాలు – Ram Charan Peddi Release Date
“అద్భుతమైన కంటెంట్ మా చేతుల్లో ఉన్నప్పుడు, దాన్ని అత్యుత్తమంగా ప్రెజెంట్ చేయాలనుకుంటున్నాము.”
“మా టెక్నీషియన్స్ కు, పోస్ట్-ప్రొడక్షన్ టీమ్కు మరింత సమయం ఇస్తే వారు తమ బెస్ట్ ఇచ్చి పర్ఫెక్ట్ ఔట్పుట్ ఇస్తారని భావిస్తున్నాం.”
“ప్రేక్షకులకు అత్యుత్తమ థియేట్రికల్ ఎక్స్పీరియన్స్ (Best Theatrical Experience) ఇవ్వడమే మా బాధ్యత. అందుకే ఈ సినిమాను జూన్ నెలకు వాయిదా వేస్తున్నాం.”
ఖచ్చితమైన కొత్త రిలీజ్ డేట్ను త్వరలో ప్రకటించనున్నారు.
భారీ తారాగణం.. అంచనాలు పెంచేసిన కాంబినేషన్
Peddi Release Date ; ఆర్ఆర్ఆర్ (RRR) తర్వాత రామ్ చరణ్ గ్లోబల్ రేంజ్లో క్రేజ్ తెచ్చుకున్నారు. ఆ అంచనాలకు ఏమాత్రం తగ్గకుండా ఈ ‘పెద్ది’ చిత్రం రాబోతోంది. ఉత్తరాంధ్ర బ్యాక్డ్రాప్లో సాగే ఈ కథలో చరణ్ సరసన బాలీవుడ్ బ్యూటీ జాన్వీ కపూర్ (Janhvi Kapoor) హీరోయిన్గా నటిస్తోంది. ఇక ఆస్కార్ విన్నర్, మ్యూజిక్ మాస్ట్రో ఏ.ఆర్. రెహమాన్ (A. R. Rahman) ఈ సినిమాకు సంగీతం అందిస్తుండటం సినిమాపై హైప్ ను మరింత పెంచేసింది. ఇప్పటికే ఈ చిత్రం నుంచి వచ్చిన సాంగ్స్ మరియు గ్లింప్స్కు ప్రేక్షకుల నుంచి ట్రెమండస్ రెస్పాన్స్ వచ్చింది. మైత్రీ మూవీ మేకర్స్ (Mythri Movie Makers), సుకుమార్ రైటింగ్స్ సమర్పణలో వృద్ధి సినిమాస్ బ్యానర్పై వెంకట సతీష్ కిలారు ఈ చిత్రాన్ని ఎక్కడా కాంప్రమైజ్ కాకుండా అత్యంత భారీ బడ్జెట్తో నిర్మిస్తున్నారు.
నిరాశలో అభిమానులు.. కానీ బెస్ట్ క్వాలిటీ కోసమే!
Peddi Release Date ; సమ్మర్ రేస్లోనే ఈ సినిమా వస్తుందని ఆశించిన మెగా అభిమానులకు ఇది కాస్త నిరాశ కలిగించే వార్తే. అయితే, మేకర్స్ చెప్పిన కారణం విన్న తర్వాత సినిమా రిజల్ట్పై నమ్మకం మరింత పెరుగుతోంది. ఆదరాబాదరాగా పోస్ట్-ప్రొడక్షన్ పనులు ముగించి సినిమాను రిలీజ్ చేసే కంటే, సాంకేతిక నిపుణులకు తగినంత సమయం ఇచ్చి పర్ఫెక్ట్ క్వాలిటీతో తీసుకురావడమే సరైన నిర్ణయం అని సినీ విశ్లేషకులు భావిస్తున్నారు. విజువల్స్ పరంగా రాజీ పడకుండా ఫైనల్ ప్రొడక్ట్ బయటకు వస్తే బాక్సాఫీస్ వద్ద రికార్డులు బద్దలవ్వడం ఖాయం. జూన్ నెలలో ఏ తేదీన ఈ పాన్-ఇండియా మూవీ థియేటర్లలోకి రానుందో అధికారిక ప్రకటన వచ్చే వరకు అభిమానులు వేచి చూడాల్సిందే!
Also Read This ; Peddi సినిమాలో మెగా సర్ప్రైజ్ మృనాల్ ఔట్.. మానస వారణాసి ఇన్! చరణ్ బాడీ ట్రాన్స్ఫర్మేషన్ వెనుక అసలు కథ!
